Xəbərlər
28.04.2012
28 aprel 2012 - ci il tarixdə Bakı “Biznes Mərkəzində” (Qarabağ. 22) ADC- nin hesabat konfransı keçirildi. Konfransa ADC–nin respublikanın şəhər və rayonlarında fəaliyyət göstərən filial və şöbələrindən, həmçinin paytaxtın rayonlarından nümayəndələr dəvət edilmişdir.
Konfransı Cəmiyyətin sədri Mömünat Ömərova açdı. O, ADC - nin keçən dövr ərzində fəaliyyəti barədə məruzə ilə çıxış etdi. Keçən 4 il ərzində ADC “Şəkərli diabet xəstəliyinə tutulmuş şəxslərə dövlət qayğısı haqqında” AR Qanunu, “Şəkərli diabet üzrə Dövlət Proqtamın”dan irəli gələn məsələlər barədə, Cəmiyyətin AR Prezidenti yanında Qeyri - Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən mühüm layihələri haqqında ətraflı məlumat verdi, eyni zamanda pasientlərin həyat keyfiyyətini yaxşılaşdırmaq üzrə dövlətin müəyyən etdiyi tədbirlərin bir çoxunu hələ də qeyri-kafi yerinə yetirildiyini göstərdi.(Daha ətraflı Konfranslar bölməsindən oxuya bilərsiniz)
09.03.2012
Azərbaycan Diabet Cəmiyyəti Beynəlxal Mətbuat Mərkəzində “2011-2015 - ci illər üçün şəkərli diabet üzrə Tədbirlər Proqramı”nın ilkin monitorinqi haqqında konfrans təşkil etdi. Cəmiyyətin sədri Möminat Ömərova çıxış edərək bildirdi ki, ölkəmizdə də ŞD xəstələrinin sayı getdikcə artır, beləki 01.01.2012- ci il vəziyyətinə ŞD xəstələrinin rəsmi sayı 150,4 min nəfərdir, onlardan 39.0 mini insulindən asılıdır. Şəkərli diabetlə xəstə insanlara dövlət səviyyəsində qayğı göstərilməsi haqqında Azərbaycan Respublikasının Qanunu və onun tətbiqi barədə ölkə Başçısının 12.02.2004 – ci il tarixli Fərmanı əsasında AR Nazirlər Kabinetinin təsdiq etdiyi “Şəkərli diabet üzrə Dövlət Proqramı” çox əhəmiyyətli bir hadisə olmuşdur. Məlum olduğu kimi hər il ünvanlı olaraq dövlət büdcəsindən Proqramın həyata keçirilməsi üçün maliyyə vəsaiti ayrılır. Bu Proqram 2005 – 2009 – cu illəri əhatə etmişdir. Odur ki, AR Nazirlər Kabinetinin 26 noyabr 2010 – cu il tarixli 222№-li Qərarı ilə “2011 - 2015 – ci illər üçün şəkərli diabet üzrə Tədbirlər Proqramı” təsdiq edilmişdir. Daha sonra Cəmiyyətin sədr müavini Akif Muxtarov çıxış edərək keçirilən monitorinqlər haqqında geniş məlumat verdi. O bildirdi ki, ADC öz Nizamnaməsinin əsas məqsədinə uyğun olaraq dövlətin ŞD xəstələri haqqında qayğısının təzahürü kimi qüvvədə olan Qanun və Proqramlarının yerinə yetirilməsinə ictimai nəzarətə həmişə ciddi fikir verir. Bu məqsədlə 1 –ci Dövlət Proqramının iki dəfə monitorinqini aparmışdır (2008 və 2010- cu illərdə). Layihələr AR Prezidenti yanında QHT- lərə dövlət dəstəyi Şurasının maliyyə yardımı ilə baş tutmuşdur. Yeni II Proqramın ilkin monitorinqi isə 2011 – ci ilin IV rübündə Beynəlxalq Diabet Fondunun maliyyə dəstəyi ilə ADC- nin layihəsi əsasında respublikanın 6 şəhərində (Gəncə, Sumqayıt, Mingəçevir, Lənkəran, Şəki və Şirvan) mərkəzi xəstəxanalarda təşkil edilmiş “ Diabet məktəblərində” iştirak edən ŞD xəstələrlə həm fokus qruplarda, həm də fərdi anketləşmə üsulu ilə aparılmışdır. Monitorinq İnkişaf və Beynəlxalq Əməkdaşlıq Tədqiqatları Mərkəzi- “Siqma”nın iştirakı ilə keçirilmişdir. Monitorinqdə aşkar edilmişdir ki, ŞD üzrə 1- ci Dövlət Proqramının keçirilməsi vaxtı buraxılmış nöqsanlar eyni ilə yenədə təkrar edilir, problemlər olduğu kimi qalır. Beləki, xəstələr üçün həyatı zəruri sayılan insulin, digər şəkərsalıcı dərmanlar və özünənəzarət vasitələri ilə təminatdakı çatışmamazlıqlar davam etməkdədir.Müəyyən edilmişdir ki, respodentlərin 36,2% həkim-endokrinoloqların onlar üçün təyin etdiyi dozanı ala bilmirlər. Bu vəziyyət xüsusilə Sumqayıt (47,5%) və Mingəçevir (38%) şəhərlərində acınacaqlıdır. Həm də preparatların xəstələrə verilməsi əksər şəhər və rayonlarda pis təşkil edildiyindən onlar xeyli vaxt növbədə durur, müalicə edən həkimlərin xəstələri müayinə etmələrinə vaxt qalmır, çünki həkimlər ancaq resept yazmaqla məşğul olurlar. İnsulinaslı xəstələrə birdəfəlik iynələr çox məhdud halda verilir (18% təminat). Ən acınacaqlı vəziyyət isə özünənəzarət vasitəsi olan qlukometrlərə tələb olunan test –cubuqcuqların verilməməsidir. ADC vəziyyətin belə olduğuna öz mənfi münasibətini bildirərək 2011 – ci ilin avqust ayında rəsmi olaraq AR Baş Nazirinə, Səhiyyə və Maliyyə nazirlərinə dövlət büdcəsindən ŞD Proqramının icrası üçün maliyyə vəsaitinin artılması barədə xahişlə müraciət etmişdir. Təəssüflər olsun ki, bizim bu müraciətimiz hələlik təmin edilməyib. (Daha ətraflı Konfranslar bölməsindən oxuya bilərsiniz)
DİQQƏT! DİQQƏT!
22.12.2012
Əhalinin nəzərinə!
Səhiyyə Nazirliyinin İctimai Səhiyyə və İslahatlar Mərkəzində fəaliyyət göstərən Diabet məktəbində ADC ilə birlikdə, şəkərli diabet xəstələri və risk qrupuna aid əhali üçün pulsuz təlimlər keçirilir.
Təlim zamanı:
- şəkərli diabet haqqında məlumat,
- özünənəzarət vasitələrindən istifadə qaydaları,
- düzgün qidalanma,
- diabetin fəsadları və s.
mövzularla bağlı bilik və bacarıqlar əldə olunacaqdır. Arzu edənlər aşağıdakı ünvana müraciət edə bilərlər:
Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzi
Bakı ş., H. Zərdabi küç., 96
(20 yanvar Metrosu, keçmiş Ailə və Sağlamlıq Mərkəzinin binası)
Əlaqə tel.:
(012) 530 10 28
(012) 431 62 61
(012) 496 92 35
Dünya Diabet Günü
Azərbaycan Diabet Cəmiyyəti 14 Noyabr 2011- ci il tarixdə Dünya Diabet Günü münasibətilə paytaxtın "Beynəlxalq Mətbuat Mərkəzi"ndə geniş tədbir keçirmişdir. Tədbir iştirakçılarını salamlayan ADC-nin sədri M.Ömərova BMT-nin günü kimi qeyd olunan Dünya Diabet Günü barədə qısa məlumat verdi. Sonra söz BMT-nin Bakı ofisinin ictimaiyyət ilə əlaqələr şöbəsinin rəhbəri Envera Selimoviçə verildi. O, BMT Baş Katibinin Dünya Diabet Günü ilə əlaqədar göndərdiyi məktubunu oxudu. Sonra AR Səhiyyə nazirliyinin baş endokrinoloqu, Milli Məclisin deputatı, professor Rafiq Məmmədhəsənov, AR Ailə, Qadın və Uşaq problemləri üzrə Dövlət Komitəsi sədrinin müavini Sədaqət Qəhrəmanova, AR İdman və Gənclər nazirinin müavini İntiqam Babayev, AR Səhiyyə nazirliyinin İctimai Səhiyyə və İslahatlar Mərkəzinin direktoru Ceyhun Məmmədov, Azərbaycan Endokrinologiya, Diabetalogiya və Terapevtik Təlimat Assosiasiyasının sədri Tamfira Əliyeva çıxış etdilər.
Həmin gün "Park Bulvar" Ticarət Mərkəzinin foyesində tələbələrin iştirakı ilə "flaşmob" keçirildi.
Diabetli şəxslərin maariflənməsi üzrə mühüm layihə
Azərbaycan Diabet Cəmiyyəti (ADC) diabetli şəxslərin maariflənməsi tədbirlərinə xüsusi əhəmiyyət verir, öz fəaliyyətində bu sahədə məqsədyönlü iş aparır. Hələ 2010- cu ildə ADC, Ümumdünya Di
abet Fonduna, Azərbaycan Respublikasının şəhər və rayonlarında (Bakı, Gəncə, Sumqayıt, Mingəçevir, Şirvan, Lənkəran və Şəki) 7 “Diabet məktəbi”nin açılması üzrə öz layihəsini təqdim etmişdi. Bu layihə Fond tərəfindən 2011- ci ilin yanvar ayında təsdiq olunmuşdur.
Layihə çərçivəsində “Diabet Məktəbi”nin təşkili, onların avadanlıqla, proqram, metodiki, əyani və tibbi cihazlarla təchiz edilməsi nəzərdə tutulub.
Bu mühüm tədbirdə AR Səhiyyə nazirliyinin İctimai Səhiyyə və İslahatlar Mərkəzi (İSİM) –nin yaxından iştirakı nəzərdə tutulub.
08- 20 avqust 2011-ci il tarixində İSİM- in akt zalında, əvvəl həkim- endokrinoloqlarla, sonra isə tibb bacıları ilə treninqlər keçirilmiş, sonda isə onlara sertifikat verilmişdir.
"Diabetin aktual problemləri" Media Mükafat 2011
8 dekabr 2010-cu ildə Avropa mehmanxanasının Kür zalında “Diabetin aktual problemləri” Media Mükafat - 2011 layihəsinin təqdimatı olmuşdur.
Bütün dünyada diabet xəstəliyinin çoxalması diabet, onun profilaktikası və müalicəsi barədə informasiya vermək tələbatını yaradır. KİV cəmiyyətin diabetlə bağlı məlumatlandrılmasında böyük rol oynayır. Novo Nordisk kommunikasiya yolun ilə diabetin təqdimatını gücləndirmək üçün KİV-ə mükafat təsis edib.